“STORIA” PER LA MORTE DI LORENZO PANEPINTO
Lu sidici di maju a prima sira,
lu tempu scuru
e luna nun cci nn’era.
L’empij scillirati e traditura,
nun vosiru addumari li lampera.
Comprici sunnu li affittajola
macari agenti di cancillaria.
A lu paisi quantu luttu c’era
quannu arrivau la figlia criatura.
Patruzzu miu, comu fazzu ora
ca piccilidda cci arristavu sula.
A li putenti chistu un ci calava
ca don Lorenzu
l’occhi ‘nni grapria.
E don Lorenzu va a la sipultura
accumpagnatu di tutta la Lega.
Accumpagnatu di tutta la lega
ognunu la so’ lingua studiava.
Ognunu la so’ lingua studiava
a don Lorenzu la vita liggeva.
Chianciti tutti genti siciliani:
muriu lu patri chi dava lu pani.
Chianciti tutti genti siciliani:
muriu lu patri chi dava lu pani
